Copa Mundial Rusia 2018: Belgica ta gana Japon pa asina pasa pa e siguiente fase

0
RBC Juli 2018
Funmiles-2018

E seleccion di futbol di Belgica dialuna a recupera e desventaha di dos gol, ganando Japon 3-2 den minuutnan extra pa clasifica pa e siguiente ronda. Aki e lo topa cu Brazil.

E ekipo Asiatico a sorprende tur hende, momento cu el a bay ariba 2-0 cu golnan di Genki Haraguchi y Takashi Inui na comienso di e di dos mita.

Pero e defensor Jan Vertonghen a sa di probecha di un serie di eror di e defensa Japones pa marca un gol cu cabes na di 69 minuut y a bolbe pone e ekipo Europeo den e partido.

Marouane Fellaini a empata pa Belgica na di 74 minuut, poco despues cu e coach a laga e drenta na luga di Dries Mertens.

Y na di 94 minuut, Belgica a bay cu e victoria den un contraatake letal cu a cuminsa den man di e keeperThibaut Courtois, a pasa via Kevin De Bruyne y ta termina ora cu Romelo Lukaku a laga e bala pasa mei mei di su pianan pa asina Nacer Chadli defini e tiro pa e arco.

Awo Belgica lo topa cu Brazil, cu mas trempan a derota Mexico, 2-0.
Esaki ta loke ta pasa den Copa di Mundo. Tabata un prueba pa di caracter y un prueba pa e ekipo. E ta bisabo tur cos di e grupo di hungadonan”, e coach Spaño di Belgica, Roberto Martinez.
Belgica, un di e miho ekiponan di e fase di grupo, tabata hopi cerca di a dispidi di manera sorprendente for di e torneo. Pero el a reacciona na tempo pa bira e prome ekipo pa gana un partido di e fase di eliminacion directo di mundial, despues di a bons bek di un desbentaha di dos gol desde cu Alemania a derota Inglatera, 3-2 den tempo extra na 1970.
E “generacion di oro” di futbol Belga a anota 12 gol den cuater partido na Rusia prome cu e partido tan spera contra di Brazil, diabierna awo.

Comments

comments

C: Heineken
new india