MOSCU, Rusia- E seleccion di Argentina a lucha te na ultimo minuut di e partido, ainda den minuutnan extra, pero e no tabata por contra di un seleccion Frances explosivo. E partido a termina cu e score di 4-3, na fabor di Francia.
Francia tabata tin un Mbappe inspira, autor di dos gol y nan tabata sa con pa maneha cu efectividad e rumbo di e partido Griezman y Pavard tambe a anota pa e Francesnan, mientras cu pa e ‘Albiceleste’ tabata Di Maria, Mercado y Agüero a haci esaki. Pa un rato, Argentina tabata esun cu tabata tin e delantero riba e marcador.
Asina tambe, un Argentina cu’n Messi, manera perdi ariba tereno, cu henter un ekipo ariba su schouder cu no a mustra e gran hungado cu e ta. Pues, Argentina ta bay cas, y Francia ta sigui pa e siguiente buelta.