E actual campeonnan di mundo, Alemania a despedi di Copa Mundial diaranson despues di nan derota contra di Corea del Sur, 2-0.
Alemania, sigur un di e faboritonan pa gana e copa di mundo na Rusia, a termina den sotano di grupo F, despues cu Suecia a gana di Mexico, 3-0 y asina e ta pasa pa e octavonan di final.
E ekipo di Joachim Loew tabata tin bastante problema pa pasa den e barera di defensa di e Coreanonan, asina mas cu nan tabata tin e miho dominion di e bala den e Kazan Arena. Ni asina nan no por a score contra di e keeper Jo Hyeon Woo e poco oportunidadnan cu nan a haya.
Un gol laat di Kim Young Gwon y Son Heung Min no tabata suficiente pa yuda Zuid- Korea pasa pa e siguiente buelta.
Esaki ta e prome biaha cu ALemania ta faya di pasa pa e siguiente buelta desde 1938, y desde cada edicion di e torneo aki entre 1954 y 2018.