Cooperacion ta importante pero partidonan envolvi mester ta di acuerdo cu esaki

0
RBC Juli 2018
Funmiles-2018

Minister di Husticia, mr. Andin Bikker, a elabora riba e reunion cu a tuma lugar diaranson den Parlamento, caminda a trata e situacion den cual Hulanda kier participa den e sistema hudicial di Pais Aruba, pa cual fraccionnan di Parlamento no ta di acuerdo.

Segun Minister Bikker, palabracionnan a ser haci desde januari di 2017 cu Minister di Husticia anterior pa evalua e Recherche Samenwerkingsteam. E palabracion tabata pa modernisa e manera di traha den combatimento di criminalidad cu ta surpasa frontera. E team en cuestion a cuminsa haci un estudio den Januari di 2018 con lo por realisa esaki.

Minister Bikker ta splica e prome rapport cu a ser entrega den fin di mei tabatin diferente recomendacionnan cu e Minister no tabata di acuerdo cune. Den e reunion di diaranson a yega na un decision pa wanta e punto di e sistema di combatimento di criminalidad pa seis luna mas p’asina duna espacio suficiente pa por sinta hunto cu Hulanda y cambia e documento na un manera cu ta mas aceptabel pa ambos partido.

Ademas, e Minister a trece dilanti diferente punto cu no a wordo teni na cuenta cun’e den e documentonan y cu tabatin cierto aclaracionnan cu nan a conclui sin consulta cu nan. E mandatario ta sinti cu cooperacion ta importante y cu e mester ta na un manera cu tur partido sinti comfortabel cun’e.

Comments

comments

C: Heineken
new india