No ta un secreto cu esnan cu diariamente ta trafico riba e caminda di Cumana ta pasa sigur algo mas cu normal pega den e traffico pa asina yega nan destino. Mirando cu Diahuebs awor ta dia di San Vallentin, Cool FM 98.9 a uni hunto cu Frasa N.V. pa asina reparti un cariño den forma di chuculati coco na esnan cu ta traffica y ta pega den e trafico na altura di e studionan nobo di Cool FM 98.9 pariba di e rotonde di Tarabana. Unico cos cu e chauffeurnan mester a haci ta zona e pito di nan auto y smile, y cu e gesto aki esnan di Cool FM y Frasa ta spera di a pone smile riba hopi automobilista cu ta pasa algun rato di frustracion den e traffico cu ta pega den e dianan aki y ta yega cas cu e mesun smile cerca nan sernan keri pa asina celebra e dia di San Valentino. Diahuebs e campaña lo sigui te ora cu chuculatinan caba, dus si bo ta den e area di Cumana y Tarabana, pasa dilanti e studionan di Cool FM 98.9, zona e pito di bo auto y corda smile.