Minister di Husticia, sr. Andin Bikker, ta comenta tocante e situacion di criminalidad cu a cuminsa lanta cabes atrobe.
E Minister ta splica cu nan ta bay bin cu controlnan mas severo p’e proximo simannan. Nan ta wardando rib’e consehonan p’e radar y ta trahando rib’e proceso p’e helicopter. Tin un maneho integral, cual ta pa stimula conhuntamente cu asociacion di bankeronan pa pagonan electronico por ta mas facil. Ta reenforsando Cuerpo Policial cu mas agentenan aspirante. Y controlnan mas severo riba ilegalidad. Tin un ley p’e fluho di personanan ilegal cu ta drentando Aruba y tin un ley p’e personanan cu ta opta pa drenta di forma clandestino y ta burla di e leynan di imigracion.
Minister Bikker ta sigura cu ta atendiendo cu e situacion aki y ta spera cu pronto por introduci e radar y helicopter.