Controlnan di vehiculo ta tumando luga ta pidi pa tin tur documento na ordo

Desaroyo na caminda y control tumando luga pa locual ta trata documento di vehiculo di motor. Pa cualkier auto cu no ta na ordo, lo kita e vehiculo. Vocero di cuerpo policial, sr. Lito Lacle ta bisa cu motor units ta controla riba caya y tin un 500 multa reparti. 

Riba un solo dia, 10 auto a ser kita pa motibo cu no tabatin papel na ordo of belasting paga. E ta bisa cu ora takelwagen bay cu nan auto y hib’e te Balashi, e persona lo mester paga un boet di 175 florin, esaki ta subi 25 florin extra pa dia, te ora cu persona tin documento na ordo.

Sr. Lacle ta bisa cu mester tene na cuenta cu tambe mester paga boet di departamento di impuesto ora no paga number di auto na tempo y mas e pago di saca e auto for di Balashi ‘ta bira hopi placa’ e ta conseha pa hende por tin nan papel na ordo.

E ta bisa cu mester tene na cuenta, cu pa e prome mita di anja por paga te cu 31 di januari mester ta paga y pa 30 di juni, henter e number mester paga. DIMP a haci un acuerdo pa persona por paga 50 florin (pida pida) pa yega e mita pa Januari of completo ‘e ta haci e pago mas flexibel’.

Mirando e situacion, e control a intensifica un poco mas. Pa locual ta accident riba caminda, e ta bisa cu tin hopi aanrijding tumando luga. “Na 2019 a drenta un ley na vigor caminda un auto cu dal y core bay huy, e persona por haya un 1 aña di castigo of 25 mil florin den boet. Un factor cu mester tene cuenta cune. Nos di cuerpo policial lo busca e persona aki pa asina haci investigacion.”

Ta pidi pa e comportacion di hende den trafico. Cuerpo policial a haya 34 aparato pa test alcohol. E ta bisa cu tur patruya tin esaki cune, anto esey ta mas material pa traha cune y keda cu e control riba caya ‘si core abou influencia nos ta bay over na test di biaha’.

Comments

comments