Controlnan di Unidad Motorisa a sigui durante y despues di Parada di San Nicolas riba primeramente pa coremento bou di influencia di alcohol. Unidad Motorisa a para diferente camindanan di salida for di Parada di San Nicolas. Entre otro na e retonde di Pos Chiquito.
A para mas o menos 500 auto y pone e chauffeur supla door di e alcosensor como e investigacion temporario.
Un total di 14 chauffeur a wordo deteni despues di e parada di di San Nicolas.
A detene 13 chauffeur cu a supla riba caya mas cu 500 ug/l. 2 di e chauffeur no por a ni supla y un di nan no por a para bon riba su pia. Un chofer a wordo para door di controle riba plachi number y a haya basta marihuana riba dje. Un chauffeur di scooter a wordo deteni, droga confisca y hiba warda pendiente di mas investigacion. En total Unidad Motorisa a confisca 2 scooter ariba ordo di ministerio publico y basta multa a wordo reparti. Awe durante e parada di Oranjestad Unidad Motorisa lo keda cu mesun intensidad y lo detene tur cu supla riba 220 ug/l.