Sra. mr. Luenne Gomes- Pietersz ta elabora ariba e control comercial cu Departamento di Impuesto ta haci y kico ta e meta di esaki.
Si un cliente su entrada no tin e entrada pa aporta grandemente den e presupuesto total, lo focus e trabao y esfuerso ariba esunnan cu si mester por aporta y e manera con nan ta aporta. Departamento di Impuesto tin un team di control di 20 hende cu ta haci e trabao ey grandemente hunto cu FIOD y por mira e frutanan di nan esfuerso.
Si wak aña pasa, tabata tin un total di 20 mil coreccionnan haci door di control di bukinan. Control ta keda y e ta keda un reto. E trabao ta sigui cu e mesun hendenan, ya cu no lo haya hende acerca. DIMP conoce su clientenan, nan sa cual ta e branchenan cu nan mester pone mas atencion na dje, ya cu no tin e disciplina pa paga manera mester ta. E clientenan ta identifica y a traha un jaarplan pa wak con ta atende cu tur esakinan. Tambe ta bin acerca e bendemento di cosnan ariba Facebook, negoshinan ilegal.
DIMP ta traha hunto cu otro departamentonan manera DIMAS, Labor y tambe via Afpaketeam pa asina tambe purba di ta den control di cierto practicanan cu ta ilegal y caminda cu juist mester paga belasting y esaki no ta wordo haci.
CONTROL
E controlnan ta parti di e trabao como Departamento di Impuesto, e ta keda cada biaha cu e ta bira mas streng. E ta bay man den man, ya cu Departamento di Impuesto tabata tin cosnan cu mester a atende cun’e, desde 2015, cu basta retraso den behandeling, bezwaar como tambe restitutie. Aworaki 3 aña despues ta trahando ariba esaki y poco poco por mira cu tin poco mas control ariba e procesonan. Hopi comerciante por a haya naheffingsaanslag di aña 2018, caminda cu por a ripara cu e impuestonan manera Loonbelasting/BBO cu mester wordo paga tur luna prome cu dia 15 di e siguiente luna. E comerciante ta paga laat, DIMP tin un sistema un tiki mas avansa cu ta apoya e proceso aki y lo deduci si e cliente of contribuyente a paga of entrega su aangifte na tempo.
SI esaki no ta e caso, e ta haya un naheffingsaanslag (cobransa adicional cu boet) pa asina forsa e comerciante pa ta na tempo. A haya basta feedback, tanto bon como malo, ya cu DIMP tabata tin basta tempo sin saca naheffingsaanslag. Pero esaki ta hancra den ley.
Pa clientenan cu ta cera negoshi y despues un familiar cercano ta habri esaki bek, y nada no a pasa, Sra. Gomes- Pieters ta splica cu DIMP ta prefera di yega na otro prome cu e cliente prome cu e negoshi cera y habri’e bek na otro nomber, pa yega na un areglo, pasobra cu e debe ta keda habri.
Na momento cu e director habri un otro negoshi na un otro nomber, DIMP lo por link nan na otro. E cliente mester keda responsabel pa entradanan genera. Belasting ta un materia dificil, cada biaha por ripara cu esaki e Team di Control lo mester siña atende cun’e.
A saca naheffingsaanslag tur tempo, esaki tabata bay handmatig y no automatico manera e ta bay aworaki, cu e sistema. Cu e cliente no a haya un naheffingsaanslag den pasado, esey no kiermen cu e tabata cumpli cu ley. na momento cu e cliente no cumpli cu ley, tin e posibilidad cu e ta haya un naheffing y un boet.
DIMP a duna varios informacion na esunnan cu kier cuminsa cu’n negoshi, ki tipo di negoshi y di kico ta e belasting cu mester tene cuenta cun’e, pa asina e cliente ta keda informa ariba e diferente belastingnan y e pagonan.