Pa loke ta e fecha di 12 di December Cuerpo Policial a duna informacion cu lo bai intensiva e controlnan riba caya principalmente den centro di cuidad. E motibo pa cu esaki ta simplemente, segun Sr. Lacle, ta coleganan cu a bini cu e iniciativa pa pone un tiki orden den centro di cuidad mirando cu probabelmente e dianan aki lo bai bira mas druk. Tur auto lo mester bai para den e vaknan destina pa parkeer y polis lo bai dedica na control di reglanan di trafico den centro di cuidad caminda cu tin autonan di carga ta yega para con cu ta pa baha carga y ta stroba continuidad di trafico y pesey e coleganan aki a dicidi pa acera e chef di distrito di Oranjestad pa bini cu e iniciativa aki y asina nan a haya “luz berde” pa cu esaki y pesey entrante 12 di December lo bai over na control estricto den centro di cuidad. Asina cu e accion aki cuminza lo bai evalua tambe con esakinan lo bai y asina por determina con leu y con largo y con hopi biaha tras di otro lo bai haci e controlnan aki.
- Latest
