E chines Wan Li cu diamars mainta autoridad a kita su permiso pa bende klapchi pabou di e rotonde na Madiki debi na inseguridad a bay na Gobierno pa busca yudansa. E tabata kibra varios regla cu autoridad tin riba mesa pa cumpli cune pa bende klapchi. Container tabata pega cu varioa cuarto di palo unda e chinesnan ta drumi y tabata cerca di caminda.
A conseha e chines pa bay staciona su container na Centro di Bario Playa Pabou, pero pa algo e chines tabata haci e drama aki. Diaranson atardi brandweer y personal di dow a presenta pa un control y a canta bingo. A bin haya e motibo di pakico a haci tanto druk pa su container ta banda di su supermarket a haya bastante caha cu klapchinan caduca di 2013 y 2014 aden y no ta permiti bende klapchi bieu, klapchi di 2015 si ta permiti ainda.
A confisca dos baki di pickup carga cu klapchi bieu y a notifica Polis di e sucedido. A puntra e chines unda e tabatin esakinan scondi pero no kier a bisa, casi e container a keda bashi na klapchi.