Willemstad Curacao: Djasabra 28 pa djadomingo 29 di òktober 2017 entre 10.00 or di anochi pa 07.00 or di mainta e tim di matenshon di òrden públiko huntu ku Curmil (Curacaose Militie) a tene kontrol(nan) dirigí riba posishon ilegal di arma di kandela i otro delitonan na respektivamente Schottegatweg Zuid i F.D. Rooseveltweg.
Durante e kontrol(nan) aki a detené tres (3) hòmber sospechoso en konekshon ku posishon ilegal di arma di kandela. Ta trata di e hòmbernan;
- J.I.U.A. di 21 aña di edat;
- R.R.D. di 31 aña di edat;
- A.A.D. di 19 aña di edat.
Tur tres nasé na Kòrsou.
Tambe a detené un hòmber, E.B.M. di 39 aña di edat komo sospechoso di ladronisia di un plachi di number i dos (2) estranhero ku no tabatin e dokumentunan nesesario pa por permanesé riba nos isla.
Durante di e kontrol a haña i konfiská:
1 revòlver 1outo
- Un kantidat chikitu di mariwana
- Un plachi di number
Durante di e kontròl aki a kita dos (2) vehíkulo, ku a keda transportá ku kran pa kurá pa motibu ku nan dokumentonan no tabata na òrdu.
A presentá e sospechosonan dilanti di un Fiskal Ouksiliar ku a ordená nan enkarselashon pa mas investigashon.E akshonnan aki ta kontinuá.