Tabata diahuebs durante un conferencia di prensa di Departamento di Impuesto hunto cu Cuerpo Policial, unda cu a informa pueblo cu e fecha di ultimo pago di number di auto lo wordo haal pa dia 28 di februari. A combersa cu Sr. Lito Lacle, vocero di Cuerpo Policial, ariba controlanan di trafico, kico lo pasa cu esakinan awo cu a hala e fecha di pago.
Sr. Lacle a cuminsa na bisa cu enberad Cuerpo Policial no por para un auto pa controla e nr di auto pero si e por pidi e chauffeur pa tur otro papelnan. El a sigui splica cu pa hopi aña caba Cuerpo Policial tin un maneho pa loke ta controlnan di trafico. Tur kwartaal cada districto mester organisa un control di trafico general. Es decir, e controlnan di trafico lo sigui normal. Kico ta pasa, tur e cosnan aki tin un rippel effect ariba Cuerpo Policial. Si wak bon, e cifranan di dalmente den trafico den 2018, y Road Service ta tuma 60 pa 100% di dalmento di cual KPA ta investiga 40% tambe ta haci investigacion den dje. E parti cu mas ta sali dilanti, ta e dalmento cu core bay (aanrijding met doorrijden).
Na 2017, esaki tabata 710, cual ta mas o menos 50 pa luna. Y na 2018, el a subi na 760, cu ta 60 pa luna. E cifranan a subi. Y na 2019, e seguro mester ta valido. Tin un buraco den ley, udna cu por sera un seguro pa un luna, busca e plachi nr y por sigui core den 2019, sin un seguro. P’esey e controlnan tin cu sigui.
E nr di auto ta importante pa tur cos ta centralisa. Esaki lo haci e trabao di polis mas facil. Den caso di un dalmento, e doño di auto ta obliga di tin tur su papelann na ordo. Algo cu ta remarcabel ta cu hast doñonan di carrental no ta pagando nan nrnan di auto. Na di dos luga ta haya e nr. pa brommer, despues di A-carnan.
E luna mas pisa di aña ta e luna di februari, unda cu polisnan tambe mester traha den mayoria di actividadnan. E controlnan na banda, prome, durante y despues di cada evenemento haci e controlnan debi, pa garantisa pa nada grave no pasa.
Pa loke ta boetnan cu ta wordo reparti, ta cu hopi ta e automobilistanan no ta cumpli pa tin nan papelnan na ordo.
Por ultimo, Sr. Lacle a bisa pa tur hende cumpli cu nan debernan, tin tur e papelnan na ordo. No ta facil ora cu un automobilista hay’e den un accidente y e contrapartido no tin su papelnan na ordo. Controlnan den trafico lo sigui.