Control di Flexteam pa droga a produci 5 detencion

0
Imagen ilustrativo

Cuerpo Policial su Flex-Team durante di e siman di dia 8 te cu 14 di october a sigui cu su controlnan regular riba vehiculo como tambe den barionan y cayanan specifico unda cu e rol preventivo di e team aki un biaha mas a resalta.
Flex-Team a patruya den areanan cu tin retonan cu aglomeracion di persona manera Lekker, Manuelito’s. Circle-K, Hotel Baccarat, e casnan di pueblo di Noord, Madiki, Sero Patrishi y Eagle Beach.
Negoshinan manera Lekker, De Olde Molen y Cas Casuela ta wordo controla pa percura pa nan mantene na e orarionan stipula den ley, y cu nan ta cera na tempo y pa no keda clientenan aglomera of para den e parkeerplaats.

Aglomeracion na Eagle Beach:
Na Eagle Beach ta semper controla adicionalmente pa cu tocamento di musica demasiado duro. E parkeerplaats di The Village tambe ta wordo controla pa check pa hobennan cu ta para bebe for di auto, si polis tin cualkier sospecho cu tin algo ilegal tumando luga nan ta listra nan y/of nan auto.

Aglomeracion riba Parkeerplaats di The Village
Tur e gruponan cu den oranan di anochi ta aglomera na altura di Eagle Beach y cu tabata bebiendo alcohol y tocando muziek duro, nan atencion a wordo hala y cori for di e luga. Personanan riba cual tin sospecho a wordo controla. E gruponan diadomingo a keda toca muziek duro te den oranan laat di anochi. Muziek duro ta wordo tolera te cu 11 or di anochi.

Detencion Q. relaciona cu articulo 3 y 4 di L.V.M. (Landsverorderign Verdovende Middelen)
Riba 11 di october 2018, pa mas o menos 21:45, polisnan ta tuma nota di un Mitsubishi Lancer color blanco cu na e momentonan ey tabata reverse den un caya di un solo direccion. E chauffeur a resulta di ta e conocido di polis Q., naci na Aruba. Q. ta para e auto dilanti e ex Hotel Bacarat. Den pasado caba Q. na diferente ocasion a wordo deteni pa ta den posesion di droga. Ora el a wak polis, el a baha for di e auto y a cera esaki na yabi. Polisnan a lusa cu’n foks den e auto y ta ripara cu ariba e sienta patras tabata tin un cantidad di yerba parecido na marihuana. Q. a wordo acerca y poni na altura cu lo tene un control. Den su saco di carson banda robes a bin haya un sakito di plastic chikito conteniendo un puiro blanco parecido na cocaina, un sakito di plastic cu’n cantidad di yerba parecido na marihuana y dos piedra parecido na piedra di cocaina. E droganan aki a wordo tuma den beslag relaciona cu e investigacion. Pa es motibo aki, pa 21:50, polisnan a bay over na e detencion di e sospechoso Q. , relaciona cu violacion di e ley di droga. (Landsverordening Verdovende Middelen).

Accion di Atraco Team na Sabana Basora.
Riba diabierna 12 di october 2018 pa 04 or y 30 di marduga, personal di AT y TBP a haci un inval den dos cas na Sabana Basora, caminda a bin detene un total di 5 sospechoso, cu tabata envolvi den varios atraco arma. Despues di e detencionnan, a bay over na ristra e cas en busca d pruebanan, cu permiso di Hues Comisario.

Accion di listramento preventivo riba 13 y 14 di october 2018
Hunto cu personal D1 y D2 y personal di Guarda Nos Costa a tuma parti na e accion di listramento preventivo. Varios persona a wordo controla, pero sin mayor novedad. Departamento di Surveillance a drenta den varios negoshi pa asina personal di Guarda Nos Costa por a tene nan control. Varios persona cu tabata kedando ilegal ariba nos isla a wordo deteni y hiba pa Guarda Nos Costa.
Siguientemetne un resumen di personanan deteni door di Flex Team relaciona cu violacion di Ley di Droga ( LVM)

Detencion # 1: K. relaciona cu L.V.M.
Riba 13 di october 2018, pa mas o menos 20 or y 20, polisnan ta nota un homber den Koningstraat, yama K. y naci na Aruba. E persona aki a wordo listra. Den su saco di carson banda drechi polisnan ta bin haya dos sakito di plastico cu cada un cu contenido di puiro parecido na cocaina.El a keda deteni y transporta pa warda di Oranjestad.
Detencion# 2: F. relaciona cu L.V.M.
Riba 13 di october 2018, pa mas o menos 20:20, polis ta topa cu e homber den Koningstraat, yama F., naci na Aruba. El a wordo listra, caminda cu den su saco banda robes ta bin topa cu’n sakito di plastic. geboren op Aruba Deze persoon werd door mij, aan zijn kleding cu’n contenido parecido di puiro di cocaina. E sospechoso a wordo deteni y transporta pa warda di polis di Oranjestad.

Detencion # 3: F. relaciona cu L.V.M.
Riba 14 october 2018, pa mas o menos 01 or y 05, na altura di McDonald’s riba L.G. Smith Boulevard un homber, yama F. , naci na Aruba, tabata sinta den un Nissan color shinishi, na banda pasahero. El a wordo pidi pa baha for di auto. Den un tas cu e tabata tin poni na su gargante, a bin haya un potchi cu varios yerba parecido na marihuana. El a wordo deteni y hiba warda di polis na Playa.
Detencion # 4: K. relaciona cu L.V.M.
Riba 14 di october 2018, pa mas o menos 1 or y 15 di marduga, na altrua di McDonald’s riba LG Smith Blv polisnan ta bin haya un autor color shininishi, marca Nissan, modelo Nissan, cu e homber K., naci na Aruba sinta na banda di chauffeur. Durante control a bin haya banda di e palanca di speed un saco chikito tipo zip lock cu tres potchi di plastic cu den dje, yerbanan di marihuana. un sigaria di marihuana y mashin di mula marihuana. E sospechoso a wordo deteni y hiba pa warda di polis na Shaba.
Spotcheck control:
A controla varios auto y a haya cantidadnan chikito d marihuana, sakitonan di cocaina, piedra, skern, cuchiu, machine di mula marihuana. Tur esakinan a wordo tuma den beslag.
Hier werden verschillende auto’s gecontroleerd en kleine hoeveelheden marihuana, zakjes cocaïne, enkele cocaïne steentjes, scharen, messen, marihuana malers werden aangetroffen en inbeslaggenomen.
A tene un total di 82 control
Tabata tin 5 detencion
Cinco (5) tabata relaciona cu L.M.V.

Comments

comments