Control di cambio na Venezuela elimina

CARACAS, Venezuela- Minister di Finanzas, Simon Zerpa, a anuncia cu e mercado cambiario lo ta dirigi di awo padilanti pa un “tasa unico y fluctuante”.
Desde diabierna, Venezuela ta conta cu’n regla nobo cu lo permiti e liber convertibildiad di e moneda, cu cual e sistema bieu di compra y benta di divisas lo keda restringi.
Minister di Economia y Finanzas, Simon Zerpa, a bisa cu e mercado cambiario lo ta dirigi pa un “tasa unico y fluctuante”, cu lo ta derivar di e “tasa balanza di tur e operacionnan” realisa pa e sistema di subasta Dicom.
“Esaki ta e espacio di legalidad”, e minister a bisa. “Nos ta dunando tur e condicionnan pa inversion productivo, pa e inversion di divisa di e Venezolanonan cu ta den exterior, pa nan por mandanan bek e pais”, el a agrega.
Desde mita di augustus, e gobierno di Venezuela a haci cambionan drastico den su modelo economico, y un di esunnan mas drastico ta e anulacion di e control di cambio cu desde 2005 ta activo den e pais. Esaki tin como proposito pa para e cambio ilegal di dollar y speculacion cambiario.
Den e ultimo dos añanan, Venezuela a sufri di atakenan di varios mecanismo di cotizacion ilegal di dollar, cual a contribui den devaluacion rapido di e moneda nacional, como tambe un hiperinfalcion rapido.
Pa e motibo aki, Zerpa a insisti: “Cualkier otro caminda pa e cambio di divisas ta e camino di e sombra, di ilegalidad, di e apoyo na e dollar criminal. E unico manera di logra paz economico na Venezuela ta di derota e mercado criminal y creando basenan solido pa e desaroyo di nos economia”.
Ademas di esaki, na Venezuela lo permiti awo operacionnan detayista cambiario den henter e sistema bancario publico, pa cual e ehecutivo a urgi e poblacion pa habri cuentanan den moneda stranhero.

Comments

comments