Bureau City Inspector, pa medio di su PR a elabora ariba e tarea di BCI durante e campamento. Sr. Robby Rosel a splica cu BCI lo tene control di limpiesa hunto cu Serlimar.
Durante campamento lo bay controla e parti locual ta e paletnan cu ta poni, riba nr. 14, ya cu no ta permiti pa pone palet ariba e ruta di campamento. Esey ta loke cu BCI ta bay ta controlando.
Sr. Rosel a bisa tambe cu mescos cu temporada di carnaval, a hiba campaña di no pone palet, esaki lo continua durante di campamento. Si nan bin haya palet, esaki lo wordo kita.
BCI lo ta ariba e ruta di campamento, pa hiba e parti di vigilancia di limpiesa. No ta simplemente cu ta bay ta pone e desperdicionan y laganan of rond di e tent, semper zorg pa mantene esaki limpi, Sr. Rosel a sigui bisa. Mescos ta trata pa e trailernan. Nan mester ta limpi semper, pa ora Serlimar pasa pa recoge e sushi, tur cos ta poni cla pa asina e parti di limpiesa keda.
Diahuebs Santo BCI lo ta bay ta ariba e ruta di campamento, unda cu nan lo ta bay ta repartiendo conhuntamente cu Serlimar saconan pa pone sushi den dje, pa ora cu Serlimar pasa buscanan, tur cos ta cla.
Lo tin saco pa cada tent of trailer cu ta bay t’ey, pa asina pone tru locual ta sushi aden. Y sigur tambe, di parti di e control di limpiesa lo ta na final di e temporada di campamento cu lo ta dia 24 di e luna aki, unda cu BCI lo ta bay ta controlando e parti di limpiesa di cada tent, cu nan a laga nan luga di campamento atras y tambe mescos ta conta pa e beach.
Esaki ta e tareanan di BCI tin cu funciona cun’e. Nan ta spera cu cada un di e personanan cu ta bay ta campando, lo sa di bay mantne e parti di beach limpi. Semper e parti di e limpiesa ta hopi importante, mirando cu nos Aruba, ta depende di turismo. Turismo y tambe ora cu nos tambe kier bay un beach, lo no kier haya sushedad ariba beach, boternan cu por corta pia. P’esey e apelacion pa mantene limpi. Ban hiba e campamento sano pa asina por pasa e siman di Semana Santa den un bon ambiente. Cada un persona cu ta bay campa, e apelacion pa hiba un campamento sano y di reflexion, pa e dia di mañan tur por bisa cu a pasa e siman di semana santo y cu no tin nada di lamenta.