MOSCU, Rusia- E marcha cu e recore e centro di Moscu diaranson na memoria di e lider opositor Boris Nemtsov, asesina tres aña pasa algun meter leu id Kremlin, a reuni miles di pesonanan descontento cu e mandatario Ruso, Vladimir Putin, faltando tres siman pa eleccionnan presidencial na e pais aki.
E temperaturanan di 15 grado bou cero den e capital Ruso no tabata obstaculo pa esunnan cu tabata kier a honra e memoria di Nemtsov, pero ta dificil pa compila un dato exacto di participacion. Organisadornan tabata duna un cifra di 20 mil persona pa e organisadornan y e apensa 4500 pa polisnan.
Na cabes di e marcha tabata t’ey, entre otro lidernan opositor, dos candidato na e presidencialnan di dia 18 Maart proximo: e veterano Grigori Yavlinski, dirigente di e partido liberal Yábloko, y e periodista Ksenia Sobchak.
“Tur e responsabilidad politico pa e morto di Nemstov ta cay pa presidente Putin”, segun Yavlinski a declara na e canal di television opositor Dozhd.
Sobchak, cu ta posiciona su mes como candidata di henter e oposicion liberal, a denuncia cu e morto di Nemstov ta un prueba di cu hende ta wordo mata na Rusia, pa “loke e ta bisa y loke e ta pensa”.
Mescos cu añanan anterior, e marcha na memoria di Nemstov a bira un acto di protesta contra di Putin y e administracion cu e ta dirigi pa casi dos decada caba.
Simpatisantenan di e carismatico dirigente opositor, asesina di lomba dia 27 de febrero 2015, ta acusa e mandatario Ruso di a crea un clima di odio contra tur cu ta durf di protesta contra di su idea y politicanan impone pa Kremlin.
Cinco homber, tur procedente di Chechenia, a wordo husga y condena zomer ultimo pa a prepara y ehecuta e asesinato di Nemstov.
E persona cu ta wordo considera e autor material di e tironan, Zaur Dadáev, lo cumpli un pena di 20 aña di prizon, mientras cu e resto lo pasa entre 11 y 19 aña di prizon.
Autoridadnan, cu ta reconoce cu nan no a localisa e organisadornan ni tampoco e autornan intelectual di e crimen, considerando cu e asesinato a wordo organisa pa e Chechenio Ruslán Mujudínov.
Famia y simpatisantenan di Nemstov ta considera cu e lider opositor a wordo asesina pa motibonan politico y ta recorda cu el a wordo tira mata ora cu tabata investigando e morto di soldaatnan Ruso na Ucraina.
Fuente: https://www.efe.com