E contratista CIC ta hopi satisfecho. Segun director di e compania CIC y hefe di e proyecto di Green Corridor, Carlos Zubieta, e reto a wordo asumi di parti di e grupo cu hopi responsabilidad y profesionalismo. E temanan critico cu tabata e construccion di e ciere di e arco a tuma luga manera cu a wordo premira. E ingenieria cu e mester a soporta.
E proceso tabata basta intenso y prueba di esey cu a yega na e empate di e medidanan cu a wordo haci. Ta un tema hopi complica pa e tipo di structura aki. Na ora di haci empalme, tin cu wordo acorda previamente. Hero ta cambia di longitud cu e temperatura y e longitud di e brug tabata tin mester di un compleho claro. Awor aki ta riba un hornada importante cual ta pone e caminda.
Segun Zubieta, e idea ta pa logra e mayor cantidad di camindanan asflata pa fin di aña cu e fin cu e dianan di fiesta yega y e afectacion na e usuarionan sea lo menor posibel. Den e proximo dianan lo bay haci e apertura di e interseccion Mahuma, e interseccion Sero Tijshi parcialmente pa ya cuminsa pone den funcion e camindanan di e Pre-work, cual a wordo haci na 2014. E parti di espacio publico den e zona di Pos Chikito ta bayendo basta bon. A cambia hopi e zona y tambe e calidad di bida na e usuarionan. E espacio publico a cambia tambe. Ya hendenan a cuminsa disfruta di e zona. Den e parti di San Nicolas y Savaneta, e espacio publico a mehora e calidad di bida y e nivel di servicio di e camindanan. Esey tin e compania bastante contento. E recepcion cu a cuminsa haya di parti di e usuarionan, tin di compronde cu pa haci un obra di e magnitud aki tin su molesternan inicial. Tin cu gradici e comprension cu nan tabata tin. Di un of otro forma e pasenshi tambe. Ya den e momento por mira e resultado di e esfuerso cu ta hibando ya 2 aña, desde 2014 cu a cuminsa cu e obranan di Prework y na 2015 cu tin e parti di e financial close. Loke tin nan bastante trankil ta pa cumpli e meta na Augustus, entrega e caminda 100% na disponibilidad di e usuarionan, el a finalisa.