Sra Solange Tchong di AZV den un entrevista a menciona cu nan ta agradecido na Dr Mungra cu pa hopi aña a traha cu AZV for di 2001 cu AZV a cuminsa a duna servicio na aseguradonan di AZV y sinembargo ta conoci ora cu dokternan yega na esaki di 65 aña e contractonan ta finalisa. Entrante 1 maart 2020 Dr Mungra su contacto ta stop cu AZV y esaki ta nifica cu AZV tin bay haci un traspaso automatico di su pashentnan pa nan haya un dokter di cas nobo. Ta haci esaki como un servicio y facilita cu e cuido medico ta sigui pa e aseguradonan y pashent di dr Mungra.
A bay controla bek tur e cantidad cu e dokter tabata tin y a mira cu Dr Mungra tin pashentnan di pariba di brug y tog ta inscribi y ta haci uso di su servicio y tur pashent biba pariba di brug a dicidi cu ta un 157 pashent a traspasanan automatico pa Ilco Viringa na San Nicolas y ta un dokter relativamente nobo y tin algun tempo trahando. E pashentnan aki lo ricibi un carta tambe. Pashentnan di Dr Mungra biba den Papilon y region di Santa Cruz y un tiki mas leu cu ta 175 pashent a dunanan un traspaso automatico pa Dr. Keneth Croes cu ta keda na Santa Cruz unda botica maria ta. E ultimo grupo cu tabata inscribi cerca Dr Mungra cu ta uno mas grandi y alrededor di 2000 pa 2400 pashent y ta haci uso y ta activamente cerca e dokter, anan ta bay wordo traspasa automaticamente pa Dr Aruna cu ta dr Femenino naci na Surinam, y a studia tanto pa Surinam y Hulanda y na 2011 Dr Aruna Sin a bin Aruba y e ta domina bon Papiamento, Hulandes, Spaño y Ingles un total di 8 idioma e ta domina, y su servicionan lo keda tuna na Jan Flemin 5 K. Un pashent no ta bay di acuerdo cu e dokter di cas nobo e ora ey por wak e capacidad cu tin disponibel pa por bay cerca un otro. Nos ta pidi tur asegurado pa duna e dokter nobo sikiera un oportunidad pasobra bo ta haya e chens pa consulta cune y mira con e situacion ta bay, asina sra Tchong a finalisa.