Awe den oranan di mainta personal di Warda Costa a topa cu un caso di trafico di ser humano y a detene algun persona cu nan a entrega na autoridadnan local.
A topa cu e boto pazuid di Aruba y a duna ordo pa nan para. Tabata trata di un boto local registra A-2043. Dos di esnan abordo tabata local, capitan y tripulante, y a detene nan pa contrabanda di hende. Abordo a detene tambe tres persona cu kier a drenta Aruba. Tur tres ta Venezolano. Un di esnan cu tabata maneha e boto tabata di nacionalidad Hulandes.
E dosnan cu a bay busca e hendenan a wordo poni den man di polis y e tres personanan indocumenta a bay Warda Nos Costa. Den e boto a haya tambe diferente material cu a bini cu nan for di Venezuela, entre otro remedi.
Autoridadnan tin atencion pasobra nan tin informacion cu botonan local ta bay busca hende of mercancia.