JERUSALEM, Israel – Den solamente 40 aña su concentracion a cay un 52%. Investigadornan ainda no sa kico ta debe na e cambio drastico aki. Ora cu e resultado di e estudionan a cay, e mesun cientifico cu a conduci esaki, loke a nan a haya ta sorprendente: entre 1973 y 2011, e concentracion di sperma den e eyaculacion di hende hombernan occidental a reduci den un promedio di 1.4% cada aña. Miho bisa, un reduccion total di mas di 52% den solamente 40 aña.
Pero mas leu di e cifra, e resultadonan ta preocupa e investigadornan pasobra e por trata, den futuro, di un problema di infertilidad. “Esaki ta un problama clasico cu ta bao di e radar di salud publico pero cu nos a descuida,” Hagai Levine, epidemiologo di e Universidad Hebreu di Jerusalem y autor di e estudio, a afirma na The Guardian.
Pa delanta e investigacion, publica den e revista Human Reproduction Update, e ekipo a analisa 185 estudio conduci entre 1973 y 2011 cu a suma en total dato di 43 mil homber. Despues nan a dividi e datonan dependiendo di si tabata trata di homber cu a nace den paisnan occidental of no.
Door di tene na cuenta datonan manera e edad y ora cada homber ta keda sin eyacula, e cientificonan a haya cu e concentracion di spera a cay di 99 miyon pa mililiter na 1973 na 47.1 miyon di mililiter na 2011 den hombernan occidental. Sin embargo, nan a realisa cu e tendencia aki no tabata igual pa hombernan di otro pais, aunke e mesun estudio ta adverti cu tin hopi menos investigacion conduci na e grupo poblacional aki.
E resultadonan a wordo bon ricibi di parti di e comunidad cientifico, no pasobra ta trata di algo bon, sino cu di tempo atras nan tabata sospecha cu e conteo di sperma den hende homber tabata bahando. Loke e investigadornan a haci tabata pa confirm’e.
Awo, e problema a sigui siendo cu ningun hende tabata compronde hopi bon cual por tabata e rason. Cambio den e peso corporal, falta di actividad fisico y huma ta algun di e candidatonan. Pero manera cu Richard Sharpe, profesor di e Universidad di Edimburg a bisa y un di e fuentenan consulta pa The Guardian, cu no ta compronde bon riba e problematica tin di haber cu e reproduccion masculino ta sub investiga.
Fuente: www.elespectador.com