CIENCIA/SALUD
Pa medio di un informe, ONU ta adverti ariba e efectonan nocivo cu polucion ta trece cun’e, un enemigo silencioso cu ta causa di e morto prematuro di shete miyon persona anualmente. E ta impacta 90% di e poblacion mundial.
Door di e situacion preocupante aki, expertonan ta pidi lidernan mundial pa tuma medidanan cu lo yuda reduci e contaminacion den aire pa medio di leynan cu ta garantisa e bienestar di personanan.
Actualmente ta existi varios fuentenan di contaminacion atmosferico cu ta preocupa cientificonan, manera e kimamento di combustibel fosil, auto, industrianan y e mal maneho di residuonan. Pa mitiga e situacion ONU ta propone varios medida: vigila e contaminante, determina su origen, informa e poblacion di e situacion den aire y bin cu leynan cu ta combati e efectonan negativo.
ONU ta adverti riba e nivelnan halto di polucion y ta sigura cu’n kwart di e poblacion den condicion di pobresa ta wordo exponi na contaminacion.