Diamars merdia riba e caminda dilanti Web na Balashi chauffeur di un truck a haye confronta cu un situacion unda e tabata lastrando un chasis cu container riba dje. Algo na e truck cu ta wanta e hero cu ta wanta e chasis a kibra y pone cu esaki a los bin ariba unda e container a kita y cay riba caminda.
E la tranca trafico pa un rato unda Polis a presenta pa asina tuma datos. E container a haci daño riba caminda y Polis di trafico a nota esaki. Un otro truck a presenta pa asina lanta e container y pone bek riba e truck.
