Diaranson pasa di 2:30 atardi dos unidad di brandweer y polisnan a keda dirigi cu sumo urgencia pa Sabana Basora Noord habitantenan na grito ta yama centro di alarma y polis informando di un candela grandi na un cas. Na yegada di e prome unidad di brandweer y polis ta topa cu un container full na candela y te hasta e candela a cana bay direccion di mondi y menasa algun cas.
E bomberonan a drenta accion di biaha e di dos truck a acudi na e sitio pa duna un man tambe y asina bomberonan a logra di domina e candela rapidamente.
Vocero di Polis tambe tabata presente y a papia cu famia y te hasta un mucha chikito cu tabata tristo y tabata yora debi cu su cachonan tabata den cas y aki a papia cu e hobencito pa e trankilisa y a notifica personal di slachtofferhulp di e caso.