E di XIII campeonato femenino mayor di WBSC/CONSURSA a continua riba veldnan na Pos Chikito . Aruba Softball Bond cu “tiki” recurso ta haciendo cosnan grandi pa deporte. Aruba pa prome biaha den historia di softball ta “sede” di un evento asina grandi aproba pa WBSC y CONSURSA. Den un tanganaso di partido e pitcher di Venezuela Michelle Floyd ta “shut down” e bateria di Brazil lansando un “No Hit No Run” y ta gana e partido cu e score minimo di 1-0. Venezuela 1 careda, 3 hit, 2 eror y ta laga 4 coredo den circulacion. Brazil 0 careda, 0 hit, 1 eror y tambe ta laga 4 coredo na base. Miho batiadonan pa Venezuela ta Estefany Duno 2-1, Denisse Fuenmayor 3-1 y Ana Gonzalez 1-1. Michelle Floyd ta bay 7 inning completo lansando 47 bola, 72 strike pa un total di 119 pitch ponchando 8 batiado y ta regala 2 base por bola pa un ERA di 0.00 pa seya e victoria riba su nomber. Fernanda Shiroma di Brazil por mira atras riba un gran labor y bon performance lansando 21 bola, 59 strike pa un total di 80 pitch propinando 4 ponche y ta regala 1 base por bola. Mester accentua cu Venezuela a caba di regresa di Mundial di Softball na Chiba, Japon cual a tuma luga na Augustus ultimo y ta un ekipo di un nivel mundial. Aruba gosando di un espectaculo nunca bisto y aunke cu un presupuesto hopi limita Aruba Softball Bond ta haciendo cosnan grandi y ta di spera cu gobierno por duna su aporte cumpliendo cu su deber invertiendo den futuro di nos nacion. Campeonato Internacional un exito rotundo te cu awor.