Aruba Softball Bond organisadonan di e campeonato internacional WBSC CONSURSA e di XIII campeonato femenino mayor y pa prome biaha cu Aruba ta host un campeonato di e taya aki. Aruba den pleno desaroyo cu un seleccion bastante hoben ta fahando cu e paisnan grandi. Venezuela por ehempel a caba di regresa di un Mundial cual a tuma luga na Chiba, Japon Augustus ultimo y pues Aruba ta enfrentando paisnan grandi y fuerte den softball manera Venezuela. Den un tanganazo di wega Aruba y Venezuela ta sali score 2 careda cada un den prome inning y despues ta sigui un duelo den picheo unda finalmente den tie break den 8 inning Venezuela ta derota Aruba 3-2.
Venezuela 3 careda, 6 hit, 3 eror y ta laga 9 coredo den circulacion. Aruba 2 careda, 4 hit, 0 eror y ta laga 8 coredo na base. Pa Venezuela ta destaca na bate Jocelin Diaz 3-2, Denisse Fuenmayor2-1, Freymar Suniaga y Fernanda Pacheca di 3-1 y Yulexis Barrios 4-1. Pa Aruba a destaca na plato Milvienne Henriquez, Shakkena Croes y Nikkaela Jacobs tur di 4-1, Michelle Vleugels di 3-1. Pitcher ganado a resulta Michelle Floyd kende a bay 8 inning lansando 34 bola, 74 strike pa un total di 108 lansamento propinando 8 strike out y ta regala 2 base por bola y por mira atras riba un actuacion sublime.
Millizienne Richardson a bay 8 inning tirando 43 bola, 71 strike pa un total di 114 lansamento propinando 1 ponche y ta regala 4 base por bola y por mira atras riba un tremendo performance contra un ekipo di nivel mundial. Paisnan ta expresa nan alegria pa e organisacion na un manera magistral cu a organisa e campeonato internacional aki. Palabranan di elogio tin tur caminda.
Aruba ta hunga Corsou diaranson 3pm y Argentina 730pm pa complementa su 10 weganan. Fanaticada yega tereno bin apoya Bo pais Aruba.