Aruba Softball Bond y Comision Organisador den recta final di un gran campeonato femenino internacional y e promer den historia di Aruba. Weganan hopi competitivo y riba un nivel hopi halto. E 4 paisnan cu a clasifica pa playoff page system ta 1. Argentina, 2. Brasil, 3. Venezuela y number 4. Corsow. Venezuela ( 3) a enfrenta Corsou (4) y den e wega aki esun cu gana ta continua mientras esun cu perde ta despidi di e campeonato. Den un bunita wega Corsou tabata perdi 1-0 te den bom di 4 inning momento cu Venezuela a rally pa 6 careda y asina derota Corsou 7-0 y pa regla internacional esaki ta knockout den di 5 inning bay ariba. Venezuela 7 careda, 6 hit, 0 error y ta laga 5 corede den circulaacion. Corsow 0 careda, 4 hit, 1 error y tambe ta laga 5 coredor na base. Mihor bateadornan pa Venezuela ta Estefany Duno 2-2, Denisse Fuenmayor 2-1 cu un doblete, Michelle Floyd 2-1 y Ana Gonzalez di 2-2. Pa Corsow a destaca na plato den causa perdi Xiarysse Emerenciana 2-1 cual bataso tabata un triplete, Lee Ann Craanberg 2-1, Angelique Antonio y Genevieve Hariquez ambos di 1-1. Michelle Floyd di Venezuela ta cubrie henter e ruta y ta seya e victoria riba su nomber. Michelle ta lansa 92 lansamento di cual 32 ta bola y 60 strike, propinando Corsow 10 strike out, no ta permiti careda y ta regala 2 base por bola pa un ERA di 0.00. Richelle van Gennip ta resulta pitcher perdedor y ta lansa 100 lansamento di cual 49 bola y 51 strike permitiendo 2 careda limpi, regalando 5 base por bola y ta propina Venezuela 2 strike outs. Asina Corsou ta wordo elimina mientras Venezuela ta garantisa minimo medaya di bronze y lo enfrenta e dia siguiente e ganador entre 1 vs 2 esta e ganador entre Argentina vs Brasil. Un campeonato Femenino di kita sombre di un nivel hopi halto cual sigur ta contruibi na desaroyo di nos deporte. Exito na tur pais cu ta den e “race” pa medaya ainda.