Un grupo di cientificonan Europeo a haya un vinculo alarmante entre e consumo di sucu y e hiperactividad di celnan canceroso. Despues di nuebe aña di investigacion, expertonan Belga a comproba con e efecto Warburg, fenomeno pa cual e celnan canceroso tin di descompone rapidamente e sucu, stimulando e crecemento di tumor.
Segun e investigacion, e tumornan ta comberti den lactato cantidadnan di sucu significativamente mas halto cu e tejidonan sano. Ya cu ta trata di un di e caracteristicanan mas destaca di e celnan canceroso, e fenomeno a wordo ampliamente studia, incluso uza pa detecta tumornan celebral.
E investigacion Belga a trece claridad riba e relacion entre e desviacion metabolico y e potencia oncogenico den e celnan canceroso. “E relacion entre sucu y e cancer tin consecuencianan radical”, según e profesior Johan Thevelein. “Nos investigacion ta revela con e consumo hiperactivo di sucu pa celnan canceroso ta conduci na un circulo vicioso di stimulacion continuo di desaroyo y crecimento di cancer”, cual ta splica “e conexión entre e forsa di e efecto di Warburg y e agresividad di un tumor”, e investigador a agrega.
Pa a realisa nan descubrimento, cientificonan a studia e proteinanan tipo Ras cu ta wordo haya mas tanto den celnan tumoral y cu por causa mutacion di cancer. Na momento di uza e femento como referencia, e ekipo a samina e conexion entre e actividad di Ras y e metabolismo activo den e femento.
Segun Thevelein, e estudio ta duna un base pa futuro investigacionnan den e ramo aki, cu lo por conduci na e modificacion di e dieta di e persona cu ta sufri di cancer of cu ta core e risico di desaroya diferente tiponan di cancer.
Fuente: https://actualidad.rt.com/