WASHINGTON, D.C, Merca- Mientras cu Merca ta prepara pa su tradicional cena di Thanksgiving, un alerta nacional ta pone algun receta tipico den riesgo.
Centro pa Control y Prevencion di Malesa (CDC na Ingles) diamars a recomenda pa no consumi lechuga Romano den henter e pais.
Tur despues di 32 persona a contagia cu’n brote di E. Coli den 11 estado.
Según CDC, consumidornan, restaurantnan y comercionan minorista lo mester evita y benta e lechuga aki afo, pa esunnan cu a cumpr’e caba.
E CDC a informa cu den e curso aki ta un investigacion riba e brote nobo di e virus pa cual 13 persona a wordo hospitalisa te cu aworaki.
Di dos brote
E actual brote di E. Coli ta sigui e otro, tambe relaciona cu e lechuga Romano, cu a provoca e morto di al menos cinco persona den zomer y cu a extende tambe pa Canada.
Den e pais aki, al menos 18 caso a wordo raporta den e provincia di Ontario y Quebec, mientras cu e infeccionnan na Merca a extende den varios estado.
E. Coli ta un bacteria cu ta produci un toxina cu ta provoca un intoxicacion alimentario cu por causa te hasta morto di un persona.