Consumidornan a bira menos pesimista, mirando cu e confiansa di consumidor a subi cu 0,8 punto di indice te na 93,8 den e di tercer trimester di 2022 (Grafiek 1).
Na final di e di tercer trimester, consumidornan tabata principalmente preocupa cu (i) e situation di negoshinan y di economia lo deteriora (Q3-2022: 69 porciento, Q2-2022: 75 porciento) y (ii) e posicion financiero di gobierno lo empeora (Q3-2022: 58 porciento, Q2-2022: 60 porciento). Mas o menos 93 porciento di respondentenan a raporta cu nan ta premira cu prijsnan lo ta mas halto den e proximo 6 lunanan (Q2-2022: 97 porciento). Casi mitar di respondentenan ta pensa ainda cu haña un trabou nobo ta mas dificil, esta 7 punto di porcentahe menos compara cu e trimester anterior (Q2-2022: 55 porciento).
Ademas, 33 porciento di respondentenan ta premira cu na cas nan situation financiero lo deteriora, esta 13 punto di porcentahe menos compara cu e trimester anterior (Q2-2022: 46 porciento).
Tanto e indice di expectativa como e indice di e situacion actual a subi, esta cu 0,8 punto di indice te na 94,0 y cu 0,5 punto di indice te na 93,2, respectivamente, den e di tercer trimester di 2022. E cantidad di respondentenan cu a raporta cu compra di un auto no tabata conviniente a baha na 57 porciento den e tercer trimester di 2022, mientras cu 53 porciento a indica cu haci un prestamo no tabata adecua (Q2-2022: 67 porciento). Tambe, 54 porciento di respondentenan a indica cu tuma un hipoteca no tabata adecua (Q2-2022: 58 porciento). Pa locual ta baymento cu vakantie 40 porciento di respondentenan a raporta cu esaki no tabata conveniente (Q2-2022: 50 porciento). Consecuentemente, e indice di habito di consumidor a crece di 93,8 den e segundo trimester di 2022 te na 94,8 den e di tercer trimester di 2022.
Tocante Banco Central di Aruba
E proposito principal di Banco Central di Aruba (BCA) ta pa contribui na stabilidad financiero y prosperidad economico di comunidad di Aruba. BCA ta logra e mision aki door di implementa un maneho monetario efectivo dirigi na mantene stabilidad di balor di e florin, promove e solides y integridad di e sistema financiero y yuda mantene un sistema di pago eficiente y confiabel.
Banda di su tareanan principal, BCA ta encarga cu emision di biyete di florin y moneda di florin y ta e bankero di gobierno. Ademas e ta regula e transaccionnan di pago cu exterior y ta administra e divisanan di Aruba y ta controla e uzo di esaki.
Pa mas informacion tocante Banco Central di Aruba, por bishita su website www.cbaruba.org