Riba diaranson 16 di November 2016 a tuma luga un huiszoeking na Kudawecha, bao guia di Ministerio Publico. Durante e accion aki, un muhe di 35 aña a keda deteni. E muhe aki ta traha como consultant y ta wordo sospecha di estafa di un di su clientenan.
Cerca e cliente aki, autoridadnan a descubri cuatro trahado, di cual tres tabata ilegalmente na Aruba y uno tabata na Aruba riba un visum di turista. E cuatro personanan a wordo saca di Aruba mientrastanto.
E sospecho ta cu e muhe a pidi placa pa paga boetnan relaciona cu e empleo ilegal di e personanan cu a wordo haya ta traha pa su cliente, mientras cu en realidad e boetnan aki nunca no a wordo saca.
E sospechoso lo wordo hiba awe dilanti Hues-Comisario relaciona cu control di su detencion.