E Consulado General di Colombia ta invita pueblo di Aruba na un bunita evento cultural cu lo tuma luga ariba 20 di Juli awo, dia di celebracion di Independencia di Colombia.
E conmemoracion aki lo cuminsa cu un ofrenda floral na Plaza Bolivar pa 5:15 pm y lo wordo sigui pa un marcha na nomber di Paz y Reconciliacion te na Cas di Cultura.
Pa 6:00pm, na e lugar cultural aki, lo tin acto di apertura cu bandera y himnonan cu respectivo palabranan di e autoridadnan di Aruba y Colombia. Lo habri e evento cultural cu un tremendo obra teatral.
Tambe lo tin un homenahe mereci na e Premio Nobel di Literatura Gabriel García Márquez, sigui pa un dinamico foro interactivo caminda publico por aporta pensamento y ideanan.
Lo cera e precioso evento aki cu un tremendo presentacion musical, un “wine & cheese” y un recordatorio.
Entrada ta gratis, nos ta warda un y tur cu hopi cariño!