Esaki ta parti di e discurso di Martha E. Lichtenstein, Consul Honorario di Israel na Aruba na e ocasion di e 70 cumpleaños di Israel, e celebracion di Dia di Independencia, na Aruba Surfside Marina, den presencia di gobernador di Aruba, su excelencia Alfonso Boekhoudt, ministernan di gobierno y miembronan di parlamento, cu entretenimento di pianista, saxofonista y vocalista Israeli, Naom Vazana ([email protected]_
Israel, e nacion chikito cu a logra loke tabata practicamente imposibel awe ta un mundo di creatividad, descubrimentonan cientifico, gran conocemento agricola cu ta wordo ofreci na paisnan den desaroyo, un industria di tecnologia avansa floreciente cu constantemente ta produci aplicacionnan nobo y un curason grandi cu ta ricibi inmigrantenan nobo y ta promove nan absorbacion. E nacion chikito aki a converti, a pesar di tur contratiempo, un tera cu tabata bandona y steriel den un vegetacion cu hopi bida. Israel awo ta lidera e mundo den desaroyo y exportacion di tecnologia berde cu por salba e planeta. Ningun otro nacion a enfrenta un sin fin di degradacion di parti di nacionnan cu no por a tolera nan propio existencia. Na un gran costo humano casi sin arma, Israel a gana un guera cu a wordo inicia pa cinco ehercito Arabe un dia despues di nan declaracion di independencia, mientras nan tabata purba absorbe e sobrevivientenan di e holocaust cu tabata soña di cuminsa un bida nobo eynan.
Sinembargo, Israel nunca a bandona e speransa ni nan anhelo pa paz. Israel ta un democracia floreciente, unico den Medio Oriente, cu un Tribunal Supremo prepara, ora cu ta wordo considera apropia, desautorisa e prome minister of e establecimento militar, un parlamento luchado, Knesset, cu ta inclui tur e puntonan di bista imaginabel a lo largo di e spectrum politico, un sociedad civil robusto y un prensa vigoroso, liber pa critica e gobierno sin temor di e consecuencianan.
Esaki ta parti di e cultura Israeli. Nan tin un ehercito poderoso manera niun otro: den e forsa aereo Israeli, nan ta enfatisa cu mayoria biaha e parti mas critico di un mision ta e interogacion obligatorio. Den e sesionnan aki, e oficialnan di rango mas halto ta esunnan mas vulnerabel pa criticanan direct di parti di e militarnan mas jong. Ehecucion, y no calificacion militar, ta e criteria cu ta defini nan. E miho oficialnan no solamente ta siña scucha di esunnan cu ta na mando, sino tambe incorpora nan consehonan.
E red cultural di Israel ta impresionante: teatronan, salanan di concierto y presentacionnan special di Opera na Masada, e forti cu tabata e ultimo luga di resistencia contra e Romanonan. Constantemente tin festivalnan di tur tipo, feria gigantesco di buki, diferente gruponan di baile, mas di 200 museo, un teatro nobo di Opera. Tur esaki ta solamente un fraccion di tur e actividadnan cu tin pa ofrece.
E innovacionnan Israeli ta varia di microprocessors di Intel te cu sistema di mensahe cu ta garantisa e seguridad di casi tur transaccion financiero mundial. Microsoft Intel, IBM, Apple, Cisco y HP tin centronan di investigacion y desaroyo na Israel. WAZE y WhatsApp ta creacionnan Israeli. Cu e apoyo di e gobierno y e universidadnan cu ta investiga, desaroya y comercialisa e producto, Israel tin, den termino absoluto, e mayor cantidad di companianan nobo, mas di 1000, principalmente den tecnologia avansa.
Israel a atrae mas inversion stranhero den negoshi di tecnologia avansa den e ultimo decada compara cu full Europa. Nan tin mas compania di tecnologia avansa riba e bolsa di balor NASDAQ na New York cu cualkier otro pais pafo di Estados Unidos. Den innovacion nan ta resalta mas compara cu tur su bisiñanan. Entre 1980 y 2000, e Egipcionan a registra 77 patente na Estados Unidos, Saudi Arabia a registra 172, Israelinan a registra 7,652.
E madurez y e capacidad di tuma decisionnan dificil y rapido cu e Israelinan a haya for di nan experiencianan den ehercito, nan ta aplica den nan bida diario, constantemente innovando.
Israelinan ta hendenan vibrante y ta stima bida, nan supervivencia fisico no ta e unico preocupacion; constantemente nan tin speransa pa un futuro mas briyante, provoca pa innovacion y e conviccion cu si e no ta existi, nan por cre’e.
E nacion aki ta e prome pa manda delegacion medico cu a construi hospitalnan den campo den un tempo record ora cu desaster a bati na porta na diferente parti di mundo; nan a asisti nacionnan emergente cu conocimento cientifico.
Avansenan medico manera digitalisacion di medicina, cu ta permiti e maneho individualisa di e enfermedad y e reduccion di dolor cronico, ta pone Israel na vanguardia di e nacionnan desaroya di mundo. Sinembargo, nan capacidad di recuperacion, nan tenacidad, nan rednan di medionan social y nan deseo insaciabel di haci e mundo un miho luga ta locual ta haci Israelinan unico.
Israel, casi milagrosamente, a logra sobrevivi y prospera paso nan mayor rikesa ta nan potencial humano y nan balor moral di importancia universal.