Diamars mainta, e caminda parti di e crusada cu ta cay banda di Guardian Group a wordo cera pa traha un rotonde eynan. E pida ey ta bay wordo cera por completo. DOW conhuntamente cu Motta a bay di acuerdo pa pone bushaltenan temporal ariba e ruta, pa facilidad di e usarionan di Arubus. Sr. Sannin Daou, vocero di Arubus ta splica mas ariba e cambionan cu ta bin.
Parti di e crusada di Guardian Group a wordo cera pa traha un rotonde y a wordo cera por completo. Tambe lo caba cu e caminda di Watty Vos Boulevard, y pa e motibo aki, e caminda cu ta keda habri, cu ta banda pabao, ta esun cu lo bira 1×2, esey ta nifica cu ta bay haya trafico di tur dos banda ta bay pasa ariba e caminda aki.
MIrando esey, cu AlLhambra ta cera, e ora Arubus su ruta cu mester wordo cori, ta di sigui ariba Sasaki, mirando cu ta e situacion actual. Ta drenta na altura di e rotonde di hospital. E unico diferencia ta cu tur dos banda ta bay keda ariba e mesun banda. Loke si a logra regla cu DOW conhuntamente cu Motta, cu nan lo pone bushalte temporal pa nan.
Esun cu ta bay direccion noord, nan lo pone un bushalte temporal, despues di e crusada. E lo wordo marca cu e bareranan oraño y un borchi temporal. Esun cu ta bayendo direccion zuid, nan lo pone despues di e crusada tambe, cu lo bira banda pazuid di crusada. Esaki tambe lo wordo marca cu baricadanan oraño y borchinan temporal.
Esaki, segun Sr. Daou, ariba peticion di trahadonan cu ta traha na Divi/Tamarijn y tambe turistanan tambe, no tabata tin un luga pa nan baha, ya cu Sasaki ta un poco peligroso. A reuni ariab esaki, a bay di acuerdo pa traha un halte temporal, pa asina haci’e un poco mas facil pa e hendenan yega nan trabou of hotel.
Den e area hotelero tin hopi trahadonan di hotel cu ta uza bus. Hopi hende ta baha tur dia for di San Nicolaas pa traha na hotel. E hendenan aki ta traha warda y tres biaha durante dia tin pieknan, cu tin hopi hende circulando, cu lo bin traha y tambe cu ta stop di traha cu ta bayendo bek cas. Pa e motibo aki, tabata algo cu Arubus a urgi DOW cu Motta, tapa yuda Arubus cun’e. Un biaha mas, ta pidi pa tur hende tin un tiki pasenshi y comprension pa e situacion.
Arubus no por haci mucho, pero si a logra haya un halte cu ta poco mas cerca, pa yega nan trabou.
Ta pidi automobilistanan tambe, mirando cu ta trata un crusada importante di Sasaki, pa tin pasenshi pa cu e busnan di Arubus, na momento cu e busnan mester sali bek, vooral den oranan piek cu tin hopi trafico. E busnan mester por sali pa nan por sigui. Si tin trafico y nan no ta haya cooperacion di e automobilistanan ta bira un tiki dificil tambe.
Por ultimo, Sr. Sannin Daou, nan a stress ariba e parti noord di e crusada, unda ta existi 3 lane. E lane di mas pariba, ta e lane ora ta bira bahando for di Sasaki, den direccion di Ling & Sons. E lane aki ta bay wordo uza completamente pa e bushalte. E ta suficiente espacio y duidelijk, lo suficiente pa auto y busnan.
Na e otor banda, lo baha caminda den e pida santo, p’esey a scoge e parti cu no tin mata pa stroba y tampoco palo di luz. E ta bay ta hopi facil pa baha, tin suficiente caminda pa baha. Si tin mester e lo wordo yena poco pa haci’e mas facil.
Ta pidi comprension di parti di automobilistanan. Tur informacion lo bay ta obtenibel ariba e pagina di Facebook di Arubus. Y tambe na diferente medionan di noticia, AHATA cu lo zorg pa e yega na e diferente hotelnan, pa turista y trahadonan hay’e mas facil pa wak.
- Latest
