Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Caya Ernesto O. Petronia cu diabierna awor dia 6 di december 2019 pa 2’or di atardi lo cera e caminda pa inicia trabounan di construccion di un plateau y un pasada di awa.
Pa construi e plateau y e pasada di awa lo cera e caminda dilanti Pro Cathedral Francisco de Asis completo diabierna atardi y lo habri diadomingo dia 8 december 2019 den oranan di atardi.
En conexion cu esaki Departamento di Obra Publico ta haci un peticion na tur manehador di auto y bus pa no haci uzo di e caminda menciona y pa tene cuenta cu e inconveniencianan aki lo por ocasiona, pa cual nos ta pidi nos disculpa.