LONDON, Inglatera – E partido Conservador di e prome minister Britanico, Theresa May, a suma awe cu forsa cu gran parti di e oposicion laborista pa respalda pa amplio mayoria den e Camara di e Comunnan, e ley cu ta permiti e Gobierno inicia e proceso di salida di Reino Uni di Union Europeo. Pa 498 voto na fabor y 114 en contra, e diputadonan a duna luz berde na e prome tramite parlamentario di un legislacion cu lo ricibi previsiblemente e respaldo definitivo di e Comunnan diaranson proximo, prome di somete nan mes na e escrutinio di e Lordnan.
Un grupo di mas di cuarenta diputado laborista a rebela contra e disciplina di voto imponi pa nan lider, Jeremy Corbyn y a opone na e ley, hunto cu e Partidonan Nacionalista Escoces (SNP) y e mayoria di e liberal democratanan. Aunke e mayoria di e diputadonan conservador y laborista a haci un campaña na fabor di sigui den Union Europeo prome cu e referendum di dia 23 di Juni riba e cuestion, hopi a argumenta awe cu e Parlamento no mester opone na e boluntad expresa pa e ciudadanonan den e urnanan.
Fuente: EFE News