CARACAS, Venezuela- Diahuebs a keda anuncia un fecha nobo pa eleccionnan presidencial, den cuadro di un acuerdo nobo entre gobierno di Venezuela y e opositor Henri Falcon, apoya door di Conseho Nacional Electoral (CNE). Ta ser calcula cu e eleccionnan lo tuma luga den e di dos siman di Mei.
“Cu e acuerdo aki ta keda ratifica cu na Venezuela nos lider y representantenan ta wordo eligi cu e mas amplio garantianan constitucional y democratico, segun Tibisay Lucena, presidente di CNE. Lucena a confirma cu e cierre di e inscripcion di candidatura lo cera diahuebs, cu cual e ta duna di compronde cu e eleccionnan lo wordo realisa cu seis candidato cu ya caba ta inscribi: president Nicolas Maduro, cu ta buscando su reeleccion, e opositor Falcon y cuatro otro postulantenan practicamente desconoci.
Falcon, un militar retira di 56 aña, disidente di oficialismo, a inscribi su candidatura diamars, contrario na e decision di e grupo opositor Mesa de la Unidad Democratico (MUD) di boycotea e eleccionnan.
E coalicion opositor fractura diahuebs a pidi Falcon di retira su candidatura, door di acus’e di sigui e “wega” na Maduro den su “aspiracion totalitario”.
Segun e pacto, lo pidi Nacionnan Uni y na otro instancianan internacional un delegacion di observacion electoral “amplio y califica pa tur e fasenan di e proceso”.
E partidonan a acorda tambe e realisacion di un audit, ampliacion di e plazo di e registro electoral electoral pa e Venezolanonan cu a emigra y “igualdad na e acceso na medionan publico y priva, rednan social den e desaroyo di e campaña electoral”.
Fuente: https://www.publinews.gt