Diamars 22 di januari, Reino Hulandes a adapta su conseho di biahe pa Venezuela. Esaki relaciona cu posibel disturbionan anuncia pa dia 23 di januari, door di oposicion pero gobierno cu tambe a anuncia demostracionnan. Esaki por desemboca den confrontacion y violencia.
E mensahe ta sigui bisa cu pa “evita e demostracionnan. E region fronteriso di Venezuela cu Colombia y Brazil ta insigur. Esaki ta door di e protesta, blokeo, gruponan arma y di rednan di contrabanda den e region minero. Tambe tin confrontacionnan cu e ehercito. P’esey ta recomendabel pa no biaha pa e region fronteriso cu Colombia y Brazil. E otro banda di e Lago de Maracaibo tambe ta insigur. No biaha pa e area aki. Servicio medico ta minimo den henter e pais y gasoline ta hopi dificil pa haya”.