Diabierna mainta Gobierno di Aruba a yama un conferencia extra ordinario unda Prome Minister di Aruba Sra Evelyn Wever Croes, a hiba palabra esaki ta relaciona cu e decision cu conseho di reino cu a tuma luga diabierna mainta. Den e conseho di Minister di Reino a aproba un di dos zachtelening pa Aruba. E biaha aki pa 49.5 miyon florin, e fiansa aki ta uno cu no lo paga interes riba dje y e ta un fiansa cu nos tin dos aña cu no mester paga y na final lo mester paga bek o refinancia y e tin un meta specifico, e ta basa riba e peticion cu Aruba a haci pa nos por haya un suma pa yuda doñonan di trabou pa mantene e trahadornan na trabou. E decision di awe ta basa riba e peticion di Aruba, y despues di esaki a pidi un aporte na tur empleado publico, semi publico di fundacionnan subsidia pa duna un aporte pa asina awe nos por tin e prome suma aproba pa e luna di Mei. E suman aki ta cu Gobierno di Aruba por yuda e doño di trabou pa e doño di trabou sigui parti parti of gran parti di e salario di su trahado. Y si e doño di trabou y e trahado yega na un acuerdo mutuo e suma aki por keda paga hopi lihe.