No ta nada nobo cu tin e conseho pa haci rond di cas limpi. Tur bishita di cas, GKMB ta informa e doño di cas kico tin cu haci, splicanan di e consecuencianan y tur hende ta na altura, segun Dionisio Richardson, Inspector na GKMB.
Ta bisa toch pa sigui controla rond di cas, awo cu awa ta yobe. Sikiera un biaha pa siman. Si bo ta wak cu no tin mucho tempo, purba di elimina cosnan extra rond di cas, manera artefactonan scoter.
Richardson ta sigui splica cu GKMB no tin mucho preocupacion pasobra GKMB semper ta prepara pa cualkier eventualidad. Nan tin suficiente veneno, nan tin coleganan cu ta bon prepara y specialisa. Nan sa nan trabao. Solamente ta djis laga e proceso tuma tempo, pasobra despues cu awa yobe, tin cu laga solo sali bon pa seca e awa, enbes di bay trata e plasnan di biaha. Si awa mester yobe, e por desvia e veneno, Richardson a splica.