Coneho pa henter pueblo di Aruba di parti di Cruz Cora ta pa traha un plan y un kit y keda informa, segun Humphrey Gomez, kende tambe ta forma parti di e organisacion.
Door di traha plan, ta pa sinta cu famia, tuma tempo, splica e yiunan cu tur hende kico tin cu haci, kico ta bay ta e consecuencianan cu por haya hopi awasero. Por haya biento fuerte, lama por ta hopi bruto. Strena cu lamper pa e muchanan tin cu splicanan. Wak e cumindanan, traha un kit di cuminda pa 72 ora of mas. E cantidad di awa pa un persona cu ta uza ta cont’e minimal ta 2 liter pa persona y pa famia 15 liter, incluyendo baña tambe. Uza comestibles den bleki y corda cera e frigidaire bon. Prome cu tin cu uza ta esey. Faha tankinan di gas, cuida e cachonan, losnan, pone nan na un luga sigur. Corda cuminda pa cacho tambe, pasobra nan tambe ta perde, nan tambe ta un ser viviente. Keda informa, busca di e localnan e informacion adecuado pa bo keda informa.
Gomez ta agrega pa no bay haci cos di sensacionalista, ora cu awasero yobe. No bay sali riba caya pa bay hinca bo mes den peliger. Keda informa. Cruz Cora ta bay ta man yen. Tur colega, scucha di autoridad si duna ordo di evacuacion hacie. Nan sa kico nan ta haci y nan ta bon informa. Si tin problema, uza e telefon adecuadamente. No bay whatsapp haci co’i loco. Ta bay jam e señal. Si tin emergenciam uz’e. No bay subi facebook bay post coy loco. Busca informacion pa por tin’e. Si e pasa cu locual ta bay pasa, sea prepara, pasobra Cruz Cora ta kere cu un hende prepara por handle un mal tempo. Por handle hopi cos. Aruba ta un pueblo hopi culto y nos ta yuda otro. Ora cu e cos aki pasa, check e bisiña con por yud’e. Keda informa segun Gomez.
Pa nos grandinan cu hendenan special, ta pensa cu e famia, ta traha un selfhelping team. Tin hopi hende tambe cu ta na cama. Bay wak kico ta nan necesidad si ta nos grandinan of hendenan riba cama, wak kico ta su necesidadnan. Prepara tur cos pe bon. Wak si tin un team. Si tin un famia, manera cu e caba di pasa, percura pa un hende cambia warda, wak p’e. Si ta hendenan cu ta uzando aparato, wak si tin un delco of un bateria cu por wanta at least 8 ora pa yega momento pa yud’e. Wak pa ta rond di dje pa yud’e, wak ki cuminda special e tin mester. Babynan igual. Cosnan special pa nan wak pa nan cuminda. Tin un kit special pa nan cu tur esey, segun Gomez.