Conseho a bay pa aerolineanan: Pisa pasaheronan

Pronto lo tin un maneho nobo den mundo di aviacion. Pisa prome cu bo subi avion. Sea bo ta subi balans na aeropuerto of bo mester indica kico ta bo peso. Esaki ta loke ta e sugerencia den den un rapport traha pa e sector aki.

Informacion di peso di pasaheronan cu e aerolineanan ta uza pa cumpli cu siguridad abordo di avion kisas no ta cuadra mas, mirando cu hasta na Merca casonan di obesidad a aumenta. Awo, e aerolineanan kisas lo mester pone al dia e peso averahe di pasaheronan, di acuerdo cu un informe publica riba View from the Wing, citando conseho manda pa Federal Aviation Administration.

Si esaki bira un realidad, e pasaheronan lo por wordo pidi pa subi un balans na aeropuerto pa comparti cu tur hende cuanto peso nan tin, prome cu nan subi un vuelo.

Bou di e exigencianan nobo cu ta pendiente di revision di e mundo di viacion, nan lo wordo obliga pa haci encuesta pa pone un standard averahe di peso di pasaheronan, pa miembronan di tripulacion, ekipahe y pasaheronan, apelando na pasaheronan pa participa.

“A pesar di e metodo uza, un operador tin e opcion pa inspecciona cada pasahero y nan ekipahe abordo di e nave y mester duna e pasahero e derecho di nenga di participa den cualkier control di peso riba nan y nan ekipahe.

Segun e sugerencia, e control mester ta a base boluntario, pa cual si un pasahero nenga di participa, e aerolinea ta wordo conseha pa scoge un otro biahero.

E peso averahe di pasahero adulto y ekipahe di man lo wordo aumenta pa 190 liber den zomer y 195 liber den invierno, cua ta 12% mas cu e regla anterior.

Aerolineanan lo mester aumenta e peso averahe pa pasaheronan femenino y ekipahe di man for di 145 liber pa 179 liber den zomer y for di 150 pa 184 liber den invierno.

FAA ta sugeri pa aerolineanan haci e evaluacion aki cada 36 luna.

Pa awo no tin fecha ki tempo biaheronan lo mester cuminsa subi balans y raporta nan peso.

Comments

comments