Conocido locutor ‘Baba Charlie’ a bay sosega

Diasabra anochi a drenta e tristo noticia cu e conocido locutor Sr. Ronald ‘Ronnie’ Manuela, miho conoci como ‘Baba Charlie’ a bay sosega.

‘Baba Charlie’ tabata un persona hopi conoci den nos comunidad, caminda cu e tabata un pionero den radiodifusion, y tabata un persona cu tabata gusta su musica di Calypso. E tabata locutor na Radio Carina FM, cu su tan gusta ‘Baba Charlie Calypso Show’. Despues el a move pa otro radioemisoranan, pero semper manteniendo e mesun formato di musica.

‘Baba Charlie’ tabata fungi tambe como maestro di ceremonia na Bon Bini Festival y otro actividadnan, y semper cu su estilo unico di presenta. ‘Baba Charlie’ tabata hopi conoci tambe y masha stima entre miembronan di prensa local. Pa hopi tempo e tabata lucha cu problemanan di salud, y diasabra anochi, Señor a yam’e den su Reino.

Di parti redaccion di Masnoticia.com, nos ta expresa nos mas sincero condolencia na famia y conocirnan di Sr. Ronny “Baba Charlie” Manuela. Cu “Baba Charlie” sosega na paz.

 

 

Comments

comments