Dialuna prome cu 4 or atardi riba e caminda di Pavia ta sosode un accidente fuerte unda chauffeur masculino di edad den un lancer a dal den dos cura di cas.
https://www.facebook.com/masnoticia/videos/3382218845156292/
Ta asina cu un hende homber trahando pafo di su cas a wak e lancer baha caminda poco mas pabou y despues a subi caminda bek y baha caminda na su man robes dal basta duro den cura di cas pa despues subi caminda bek y bay dal den un pilar di cura di cas na su man drechi. E impacto tabata fuerte, e homber di edad a bira malo tras di stuur segun el a conta polis cu tabata presente. Polis di trafico tambe tabata presente pa tuma dato. Personal di ambulance a acudi na e sitio pa atende cu e victima y keda transporta.