Willemstad Curacao: Djamars 10 di sèptèmber 2019 alrededor di 09.17’or di mainta, personal di Divishon di Krímen Organisá den koperashon ku KMAR a detené e hòmber Humbert Welvaart, nasé na Kòrsou di 41 aña di edat.
Detenshon a tuma lugá na ofisina di KMAR i ta den kuadro di un investigashon penal ku ta andando relashoná ku un kaso di droga.
A presentá e sospechoso dilanti un fiskal ouksiliar ku despues di interogashon a ordená su enkarselamentu pendiente di mas investigashon.