Personal di un hotel high rise ta yama polis informando cu na altura di Palm Beach lo tin un grupo di hoben ta bende droga na turistanan.
E grupo di hobennan aki a bira agresivo ora cu nan a wordo nenga y cu un biaha mas, tabata trata di e conocido di husiticia bendedonan di droga “”BOBO, COCO y HALLEY y su grupo.
Relaciona cu esaki polisnan a bay pa The Palm Pier. Na e sitio no ta topa cu e grupo aki. Yegando mas cerca, polisnan ta wak algo ta bula den laira y cay ariba vloer. Na e sitio tabata tin dos hoben, pero nan no a wak ken a tir’e. Durante un control a bin haya un paki di sigaria Chesterfield cu den dje, un sakito cu yerba parecido na marihuana y tres sakito cu den dje algo parecido na “Hash” y un sigaria. A tuma dato di ambos y despues a wordo cori for di e sitio. Centrals di Polis a wordo poni na altura.