Conocido chef Mericano Anthony Bourdain haya morto

0
RBC Juli 2018
Funmiles-2018

STRASSBOURG, Francia- E conocido chef Mericano Anthony Bourdain, conoci na nivel mundial pa su programa di biahe y cushina “Parts Unknown”, a muri na edad di 61 aña. Asina e cadena CNN a informa diabierna.
Segun e cadena, unda cu e programa tabata wordo transmiti, Bourdain a wordo haya sin bida den un camber di hotel di Strasbourg, door di su amigo Eric Ripert, un chef Frances.
Bourdain tabata na Francia trahando ariba un episodio nobo di e serie.
CNN a confirma cu e causa di morta tabata suicidio.
“Cu profundo tristesa nos por confirma e morto di nos amigo y colega Anthony Bourdian”, e cadena a bisa den un comunicado publica diabierna mainta.
“Su amor pa aventuranan grandi, amigonan nobo, bon cuminda y bebida, como tambe historia increibel di mundo a comberti Bourdain den un narrador unico. Su talento nunca lo stop di sorprende nos. Nos lo haya su falta hopi”, e comunicado ta bisa.
E morto di Bourdain a bin despues di cu e diseñado di moda, Kate Spade, a horca su mes den un aparente suicidio den su departamento di Manhattan, diamars ultimo.

Fuente: CNN

Comments

comments

C: Heineken
new india