A drenta informacion cu diabierna den oranan di anochi prome cu 9’or, e rapper femenino local Alaska y un otro persona femenino a keda deteni pa polis fronteriso na momento cu e tabata purbando di biaha pa Hulanda cu droga den su curpa scondi na e parti intimo segun informe extra oficial.
Jesse Larmonie, conoci den e mundo di musica urbano local como Alaska, tambe ta conoci como un activista den e lucha contra pedofilia na Aruba. Ainda ta fresco den memoria con Alaska a cay na rudia pa pidi Minister President haci algo pa proteha e muchanan cu ta wordo abusa sexualmente.
Esaki no ta e prome biaha cu Alaska ta cay cera pa droga, y sigur no ta e prome biaha cu el a wordo gara purbando di pasa droga pa un otro pais. Un personahe bastante controversial pa su decisionnan di bida, awor tin di bolbe enfrenta husticia pa otro delito di droga na su nomber.