MASSACHUSSETTS – Apesar di e preocupacion di hopi experto, e ambito di e robotica ta continua cu su avancenan rapido. Den e ultimo Consumer Electronics Show (CES) 2017, nos a mira innovacionnan curioso y impresionante den e materia aki, pero ningun manera loke nos lo bay presenta a continuacion.
Expertonan di e Instituto Tecnologico di Massachussetts a desaroya un especie di brasa robotico cu den awa e ta invisibel den simpel bista. E obheto ta capas di gara pisca ya cu nan no por detect’e na tempo.
E aparato ta traha di hidrogel, un polimero cu ta laga pasa ondanan luminico y sonoro, loke ta haci’e invisibel den awa. Di e manera aki, su structura ta bassa riba un 90% di awa, loke tambe ta permiti’e camufla facilmente ora e drenta den contacto cun’e.
Di momento nos ta desconoce cual lo ta e fin di e creacion aki. Posiblemente, ta wordo emplea pa e estudionan cientifico cu ta wordo haci den lama, como pa investiga sernan bibo cu por gara nan, ya cu su construccion no ta haci nan daño.
Fuente: NTN24