Nan estilo, personalidad y profesionalismo a haci cu nan ta figura den e mihonan di nos pais.
Aruba, pa mas cu 5 decada, a conoce modelonan a trabes di diferente agencianan na nos isla. KOMA Models sigur ta e agencia cu desde 1989 a domina e tereno di modelahe nacional. E agencia, estableci na 1989, ta bao liderazgo di Ronchi De Cuba y a sa di lansa e miho modelonan di Aruba. E modelonan cu ta wordo presenta ta modelonan cu a sa di destaca durante 2018 y ta cosechando exito tras exito na nos isla ariba e plataforma di moda y modelahe. Nan ta hobennan cu a tuma e paso pa inscribi pa casting di KOMA Models y asina a lansa nan trayectoria di modelahe nacional.
Ramiro Brett ta un modelo cu a sa di “sky rocket” den record tempo. E a firma cu KOMA Models na 2018 y den apenas un par di luna a sa di Sali “Male Model of the year” na 2018. Su trabaonan pa TRASH BY RONCHI, Kok Optica, Renaissance Mall, DShop, Cartier y mas a sa di lansa e hoben aki entre e top modelonan masculino di Aruba.
Indra Wardenaar a firma cu KOMA Models na September di 2018 y den menos di 6 luna a acapara atencion nacional. Un modelo cu a sa di realisa proyectonan di modelahe pa TRASH BY RONCHI, DShop, Divi & Tamarijn Resort y mas. Indra sigur ta un di e top modelonan masculino di nos isla.
Katherine Narvaez cu a cuminsa cu KOMA Models tempo e tabata tin 13 aña, awor tin representacion di e agencia pa 7 aña consecutivo. E ta wordo considera pa hopi como e number un modelo femenino di Aruba pa e ultimo 3 añanan. Kathe a sa di forma parti di proyectonan di moda local como tambe internacional. Su lista di bookings ta impresionante.
Kiara Arends sigur ta un otro modelo sumamente conoci na Aruba. Kiara tambe tin representacion pa 7 aña consecutivo cu KOMA Models y ta figura entre e modelonan mas destacante di nos isla.
KOMA Models ta busca modelo masculino y femenino pa forma parti di e elenco di modelonan cu e agencia ta representa. E casting lo ta Diaranson dia 10 di April na TRASH BY RONCHI di 7pm pa 8pm y ta completamente gratis. Pa haci pregunta por direct message KOMA MODELS ariba Facebook @komamodels y Instagram @komamodelsaruba